Шумски полицаец е повреден завчера попладне во атарот на штипското село Караорман, соопштува полицијата.

Според портпаролот на СВР Штип, Снежана Санева, припадникот на шумската полиција забележал шест лица како со запрежни коли превезувале поголеми трупци дабови дрва.

- При обидот да ги запре и легитимира, петтемина побегнале, а полицаецот успеал да фати еден од дрвокрадците, но наместо да ја добие личната карта дрвокрадецот извадил секира и замавнувајќи кон полицаецот, му нанел расекотини на дланката, а потоа избегал, рече Санева.

На повредениот полицаец веднаш му е укажана лекарска помош, а сторителот е идентификуван од полицијата.

Веста е превземена од Вечер.